Mobilidades docentes

-
Está aberto o prazo para presentar as solicitudes e os documentos para desenvolver as 8 mobilidades docentes correspondentes ao programa 2018-1-ES01-KA116-048952 (Seguimento da FP Dual en Europa). 
Dende aquí podedes descargar o documento de solicitude, e aquí tedes o baremo polo que se establecerá a listaxe de adxudicación desas mobilidades. A solicitude tamén a tedes á vosa disposición en conserxería, e o baremo, exposto no taboleiro dos Programas Internacionais.
A solicitude e a documentación para baremar será entregada en Secretaría para pasar por rexistro.
O prazo está aberto ata o día 21 de xuño.
Posteriormente reunirase a Comisión de baremación do CIFP, sendo publicada aquí, na web do centro e nos taboleiros a listaxe de solicitudes coa baremación correspondente, abríndose un prazo de 5 días posteriores a esta publicación para as posibles reclamacións, publicándose pasado este prazo, a listaxe definitiva.

Comentarios

Publicar un comentario

Visitas

Publicacións populares deste blog

Praza vacante de FCT para alumnado de ciclo superior

-
Hai unha praza vacante ofertada para desenvolver a FCT dun país da UE para alumnado de ciclos superiores. Podes descargar aquí o formulario para presentar a túa solicitude e presentalo por rexistro na Secretaría do Centro. O prazo remata o 21 deste mes, así que apura se tes interese!!! Será publicada no taboleiro de anuncios do CIFP e a baremación das mesma no caso de que houbera máis solicitudes que prazas. Despois teredes 5 días para facer as reclamacións que consideredes, e pasado ese prazo publicarase a listaxe definitiva. O baremo empregado será o establecido pola Consellería, recollido no artigo 4 da resolución . Para calquera información, poñédevos en contacto conmigo! Un saúdo, Mamen Teijido Coordinadora de Programas Internacionais
Ler máis

Seguídenos nas redes sociais!!!!

-
A partir de agora podédesnos seguir nas redes sociais, e así estaredes enteradísimxs de todas as novas referentes ás mobilidades do noso CIFP... Quero ver como sube o número de seguidorxs de Facebook , Twitter e Instagram :) Facebook: Erasmus A Xunqueira Instagram: erasmus.xunqueira Twitter: @a_cifp A través destas redes seguiremos as andanzas do alumnado que comeza dende xa as súas estadías no extranxeiro para desenvolver as FCTs dos seus ciclos e as futuras mobilidades de alumnado e profesorado. Estamos en marcha e a mil por hora!!!!
Ler máis

Mobilidades setembro-decembro 2019

-
Se vas desenvolver as prácticas do ciclo (medio ou superior) no periodo de setembro a decembro do curso que ven, e estás interesada/o en desenvolvelas nun país da Unión Europea, está aberto o prazo atao día 15 de xuño para presentar a solicitude.  IMPORTANTE: Este proceso selectivo de candidatos para mobilidades KA102 (ciclo medio) e KA103 (ciclo superior) periodo setembro - decembro 2019 está condicionado á concesión do proxecto á Consellería de Educación. Dende aquí podes descargar o formulario para facer a solicitude, que rexistrarás na Secretaría do Centro (queda cunha copia). O baremo que se empregará para a prelación de solicitudes é este . Xunto coa solicitude cuberta e asinada deberás incluír, se tes, calquera certificación de idiomas da que dispoñas. Para calquera información adicional, mandádeme un mail a internacionais.cifp.xunqueira@gmail.com Tamén estou á vosa disposición os xoves de 12 a 13 horas no Departamento de Coordinacións (1º planta do edificio ...
Ler máis